Basumati in hindi poets
https://majhitechs.blogspot.com/2022/03/basumati-in-sanskrit-poets.html
श्यामल-मुञ्ज-निकुञ्ज-वसुमती नीलकमल-ललिता,
छिन्न-वनस्पति-कुन्तलकान्ति: भारनता लुलिता 10 ।
कालिय-वयं-गरल-रसपाना,
निर्मल-तटिनी मलपरिधाना,
जीवनयमुना खेदनिवहना, विषरस-दानरता ।
श्यामल-मुञ्ज-निकुञ्ज-वसुमती.. लुलिता ॥१॥
गन्धक-पाक्य-कदम्ल-निकाशा:
धीरसमीरा: हारितहासाः ।
निर्झरवहना: सौरभगहनाः,
श्यामल-मुज-निकुञ्ज-वसुमती... लुलिता ।२।
मधुवाता: पिहिताः
यन्त्र-पुतनिका-स्तनरसपीन:
क्षीरमहोदधिरवशो दीनः ।
दूषितसलिला, वसुधा सन्ततमजगरगर्भगता ।
श्यामल-मुञ्ज-निकुञ्ज-वसुमती... लुलिता ।३।
तनय-कर-परशु-भिन्न-तरुततिः
रोदिति घनवनरेणु-वसुमती ।
कल्पवटी या श्यामलशस्या नितरां धूसरिता ।
श्यामल-मुञ्ज-निकुञ्ज-वसुमती.. लुलिता ।४।
गन्धवती गल-शव-दलमाला,
स्फीतक-सीसक-पारद-वेला,
वीडित-सत्ता पीडितचित्ता सा ननु जर्जरिता ।
श्यामल-मुञ्ज-निकुञ्ज-वसुमती.. लुलिता ।५।
आणव-शक्ति-परीक्षणशाला,
पुष्कर-वेदी धूमकपाला ।
तारकहारा, निर्मलधारा कल्मषकर्दमिता ।
श्यामल-मुञ्ज-निकुञ्ज-वसुमती......लुलिता ।६।
वाम-कामशर-भिन्न-विदीर्णा
जारित-वायु-जरायु-सुवर्मा ।
क्रुद्ध-दिवाकर-पाटल-तीक्ष्णैः शुष्का प्राणलता ।
श्यामल-मुञ्ज-निकुञ्ज-वसुमती......लुलिता ।७ ।
